И З В Е Ш Т А Ј
од обуката на Анти-мобинг советници во Македонија
(Скопје, 03-04 Мај, Дом на Синдикати)
Во периодот од 3-ти до 4-ти Мај 2011 година, во зградата на Домот на синдикатите во Скопје, за прв пат во Македонија беше успешно спроведена обуката на анти-мобинг советници.
Обуката ја одржаа тренерите кои учествуваа на претходно одржаниот тренинг на тренери кои успешно положија и добија тренерски сертификати: Гоце Трајковски (Народна банка на Република Македонија)-доктор на економски науки, Гоце Селовски (СФДМ)-магистер на правни науки, Артемис Периќ (Невладина организација на жени на град Скопје)-претседател и Јасмина Велкова (СФДМ)-секретар.Тренерите го презентираа проблемот на мобингот и едуцираа 84 учесници кои по завршената обука се стекнаа со статус на анти-мобинг советници. Првиот ден од обуката беа едуцирани 41 учесник (3-ти Мај), а вториот ден од обуката беа обучени 43 учесници (4-ти Мај).
Госпоѓата Јадранка Апостоловски-проект менаџер, и госпоѓицата Сњежана Васиљевиќ, доктор на науки и надворешен правен експерт, допатуваа во Скопје во функција на мониторинг на двата дена од обуката на анти-мобинг советници во Македонија.
